Fær ekki að dæma um helgina

Knattspyrnudómarinn David Coote fær ekki að dæma í ensku úrvalsdeildinni um helgina en hann verður fjórði dómara í leik West Ham og Manchester City í London.

Þetta er í fyrsta sinn sem enska úrvalsdeildin hófst þar sem Coote verður ekki annaðhvort með flautuna í ensku úrvalsdeildinni eða aðaldómari í VAR-herberginu í Stockley Park.

Coote var VAR-dómari í leik Everton og Liverpool í ensku úrvalsdeildinni um síðustu helgi en mikillar óánægju gætir á meðal stuðningsmanna Liverpool með störf dómarans.

Dómarinn ákvað að reka ekki Jordan Pickford af velli eftir afar groddaralega tæklingu á Virgil van Dijk, varnarmann Liverpool, en tæklingin varð til þess að Van Dijk þarf að gangast undir aðgerð á hné og verður að öllum líkindum frá út tímabilið.

Forráðamenn Liverpool kvörtuðu yfir störfum Coote eftir leikinn og nú hafa forráðamenn dómarasamtakanna ákveðið að hvíla dómarann umdeilda.

• Blogga um frétt