Enska úrvalsdeildarfélagið Chelsea minnist þess á twittersíðu sinni í dag að 16 ár eru síðan Eiður Smári Guðjohnsen skoraði þrennu á aðeins 14 mínútum gegn Blackburn í ensku úrvalsdeildinni í fótbolta.
Lauk leiknum með 4:0-sigri Chelsea og var Eiður í banastuði. Skoraði hann þrjú fyrstu mörkin áður en Damien Duff fullkomnaði sannfærandi sigur Chelsea.
Chelsea varð enskur meistari á tímabilinu og skoraði Eiður 12 mörk og var í áttunda sæti yfir markahæstu leikmenn deildarinnar.
Hér fyrir neðan má sjá mynd af mörkum Eiðs.
⚽️⚽️⚽️ @Eidur22Official's hat-trick at the Bridge against Blackburn was #onthisday in 2004! 👏 pic.twitter.com/U3l7J1in5X
— Chelsea FC (@ChelseaFC) October 22, 2020