Mörkin létu á sér standa

Það var lítið skorað, aldrei þessu vant, í ensku úrvalsdeildinni í knattspyrnu um nýliðna helgi en mörkin hafa komið á færibandi í deildinni í upphafi tímabils.

Liverpool er komið í efsta sæti deildarinnar eftir afar mikilvægan 2:1-sigur gegn Sheffield United á Anfield í Liverpool en Sheffield United komst yfir strax á 13. mínútu með marki úr vítaspyrnu.

• Liverpool er nú taplaust í síðasta 61 heimaleik sínum á Anfield en af þeim hefur Liverpool-liðið unnið síðustu 27 leiki sína af 28 leikjum.

• Þá hafa þeir skorað 162 mörk í þessum 61 leik sem gerir 2,7 skoruð mörk að meðaltali í leik.

Það var fátt um fína drætti þegar Manchester United og Chelsea mættust á Old Trafford í Manchester en leiknum lauk með markalausu jafntefli.

United fór illa með Chelsea í báðum deildarleikjum liðanna á síðustu leiktíð en fyrri leik liðanna á Old Trafford lauk með 4:0-sigri United í ágúst 2019 og United vann 2:0-sigur gegn Chelsea á Stamford Bridge í febrúar 2020.

• Chelsea er án sigurs í síðustu sjö útileikjum sínum gegn Manchester United. Liðin hafa fjórum sinnum gert jafntefli og þrívegis hefur Chelsea tapað.

Greinina má sjá í heild sinni á íþróttasíðum Morgunblaðsins í dag.