Englandsmeistarar Liverpool taka á móti Midtjylland í Meistaradeild Evrópu í knattspyrnu á Anfield í Liverpool í kvöld.
Liverpool verður án nokkurra sterkra leikmanna en þetta staðfesti Jürgen Klopp, knattspyrnustjóri liðsins, á blaðamannafundi liðsins í vikunni.
Joel Matip, Naby Keita og Thiago Alcantara eru allir tæpir vegna meiðsla og því litlar líkur á því að þeir spili í kvöld.
Liverpool byrjaði riðlakeppni Meistaradeildarinnar á 1:0-sigri gegn Ajax í Amsterdam í síðustu viku en liðið var án allra þessa leikmanna í leiknum í Hollandi.
Miðjumaðurinn Fabinho mun því að öllum líkindum spila sem miðvörður í kvöld, eins og hann hefur gert í síðustu tveimur leikjum.
Þá telja enskir fjölmiðlar líklegt að fremstu þrír leikmenn Liverpool, þeir Sadio Mané, Firmino og Mohamed Salah, verði allir hvíldir.