Boris Johnson, forsætisráðherra Bretlands, hefur tilkynnt mánaðarlangt útgöngubann þar í landi og hefur fólk verið beðið um að halda sig heima til 2. desember.
Verslunum verður lokað sem ekki þurfa nauðsynlega að vera opnar og þjónusta verður lögð niður sem ekki telst nauðsynleg. Bresk stjórnvöld hafa hins vegar staðfest að enska úrvalsdeildin mun halda striki sínu sem og aðrar afreksíþróttir þar sem hægt er að fylgja ströngustu sóttvarnareglum.
Leikir á þessu tímabili hafa hingað til farið fram fyrir luktum dyrum og ber leikmönnum og starfsfólki félaganna að fylgja ströngum reglum og fara í skimun reglulega.