Englandsmeistarar Liverpool hafa orðið fyrir enn einu áfallinu en þær fregnir berast nú úr herbúðum skoska landsliðsins í knattspyrnu að vinstri bakvörðurinn Andy Robertson hafi meiðst í leiknum gegn Serbíu á fimmtudaginn.
Robertson var tekinn úr hópnum sem mætti Slóvakíu í dag en hann er meiddur á nára samkvæmt miðlinum Goal. Skotinn er ekki bara einn af lykilmönnum Liverpool heldur er hann þriðji mikilvægi varnarmaðurinn til að meiðast á skömmum tíma.
Miðverðirnir Virgil van Dijk og Joe Gomez verða báðir frá næstu mánuðina vegna meiðsla og mega meistararnir varla við því að enn einn varnarmaðurinn bætist við þann lista.