Slegist á æfingu Arsenal

Enska knattspyrnuliðið Arsenal hefur tapað þremur af síðustu fjórum leikjum sínum og virðist mótlætið  fara illa í menn því varnarmaðurinn David Luiz og miðjumaðurinn Dani Ceballos slógust á æfingu liðsins á föstudaginn var.

The Athletic greinir frá því að Ceballos hafi tæklað Luiz harkalega sem brást illa við og sló Spánverjann í andlitið með þeim afleiðingum að hann féll í jörðina blóðugur. Liðsfélagar þeirra stöðvuðu slagsmálin áður en algjörlega sauð upp úr.

Mikel Arteta knattspyrnustjóri Arsenal sendi leikmennina heim af æfingunni en þeir hafa síðast beðist afsökunar á atvikinu.

• Blogga um frétt