Margrét Lára: Galin ákvörðun

Margrét Lára Viðarsdóttir segir Brighton ekki hafa átt að fá vítaspyrnu undir lok leiks í 1:1 jafntefli liðsins gegn Liverpool í ensku úrvalsdeildinni í gær.

„Ég hefði orðið brjáluð að fá á mig vítaspyrnu á þessum tímapunkti og fyrir svona litlar sakir,“ sagði Margrét Lára í Vellinum á Síminn Sport.

„Mér finnst þetta eiginlega bara galin ákvörðun. Jú það getur vel verið að hann [Andy Robertson] snerti hann en hvað er Welbeck að fara að gera? Er hann að fara að ná þessum bolta? Er hann að fara að skora? Mér finnst dómarinn ekki alveg vera að lesa leikinn þarna,“ bætti hún við.

„Þetta er ekki víti fyrir mér,“ sagði Margrét Lára að lokum.

mbl.is
Fleira áhugavert
Fleira áhugavert