Liverpool fer á Villa Park

Liverpool dróst á móti úrvalsdeildarliðinu Aston Villa á útivelli þegar dregið var til 3. umferðar ensku bikarkeppninnar í kvöld. 

Viðureign liðanna er líklega sú stærsta í umferðinni og afar áhugaverð, ekki síst fyrir þær sakir að Aston Villa vann óvæntan stórsigur á Englandsmeisturunum, 7:2, á Villa Park í haust. Á þessu stigi keppninnar koma úrvalsdeildarliðin inn. Úrvalsdeildarliðin Arsenal og Newcastle drógust einnig saman. 

Gylfi Þór Sigurðsson og liðsfélagar hjá Everton taka á móti Rotherham og Jóhann Berg Guðmundsson og samherjar í Burnley fengu heimaleik gegn MK Dons. Daníel Leó Grétarsson og samherjar hans í Blackpool fá úrvalsdeildarliðið WBA í heimsókn. Þá leika Jón Daði Böðvarsson og félagar í Millwall við utandeildaliðið Boreham Wood.

Utandeildarlið Marine fær Jose Mourinho og Tottenham í heimsókn sem verður athyglisverð viðureign en Marine leikur í raun í 8. deild. Aðeins einu sinni áður hefur lið úr þeirri deild komist í 3. umferð keppninnar. 

Chelsa fær Morecambe í heimsókn en liðið leikur í d-deildinni. 

Manchester United tekur á móti Watford og Manchester City á móti Birmingham. 

3. umferð FA bikarkeppninnar: 

• Blogga um frétt