Líkir Klopp við Ferguson

Gary Neville, fyrrverandi lærisveinn Sir Alex Ferguson hjá Manchester United, líkir Jürgen Klopp knattspyrnustjóra Liverpool við gamla læriföður sinn. Neville segir Klopp beita sálfræðihernaði líkt og Ferguson gerði á sínum tíma.

Klopp er afar ósáttur við leikjaálag liðs síns og kvartar reglulega yfir því í viðtölum. Neville segir þetta vera sálfræðihernað sem minni hann á Ferguson.

„Ég held Klopp geti ekki mikið kvartað yfir leikjaálagi. Þegar þú ert stjóri sem sigrar ertu til í að gera allt sem þarf til að vinna. Helsta ógn Liverpool í baráttunni um Englandsmeistaratitilinn eru meiðsli og Klopp er að reyna að komast í höfuðið á fólki. Alex Ferguson gerði þetta í 15 eða 16 ár,“ sagði Neville á Sky.

• Blogga um frétt