Sjónvarsmaðurinn Piers Morgan fagnaði vel og innilega á samfélagsmiðlinum Twitter þegar tilkynnt var að Mesut Özil myndi yfirgefa enska knattspyrnufélagið Arsenal á næstunni.
Morgan, sem er einn vinsælasti sjónvarpsmaður Bretlands og harður stuðningsmaður Arsenal, hefur ekki farið leynt með álit sitt á Özil undanfarna mánuði.
Özil er launahæsti leikmaður Arsenal en hann hefur lítið sem ekkert spilað fyrir Arsenal síðan Mikel Arteta tók við stjórnartaumunum hjá félaginu í desember 2019.
Morgan hefur marg oft látið Özil heyra það á Twitter, meðal annars þegar leikmaðurinn neitaði að taka á sig launalækkun vegna kórónuveirufaraldursins, en þá nýtti Morgan tækifærið og lét hann heyra það í beinni útsendingu í morgunþætti sínum á ITV í Bretlandi.
„Loksins góðar fréttir á árinu 2021,“ sagði Morgan í Twitter færslu sem hann birti í gær og vísaði þá í líkleg félagaskipti Özil frá félaginu.
„Ef þig vantar far út á flugvöll þá bara heyrirðu í mér,“ bætti Morgan við en Özil hefur meðal annars verið orðaður við DC United í Bandaríkjunum og Fenerbahce í Tyrklandi.
BOOM!
— Piers Morgan (@piersmorgan) January 6, 2021
Finally, some good news in 2021!
If you need a (covid-secure) lift to the airport @MesutOzil1088, let me know. https://t.co/ZNVsuBjYZa