Tvö Íslendingalið áfram eftir vítakeppnir
Setja bókamerki
Tvö Íslendingalið tryggðu sér sæti í 32-liða úrslitum enska bikarsins í fótbolta með sigri í vítakeppnum í 64-liða úrslitunum í dag.
Blackpool úr C-deildinni gerði sér lítið fyrir og sló úrvalsdeildarliðið West Brom úr leik á heimavelli.
Staðan eftir venjulegan leiktíma og framlengingu var 2:2 en Blackpool skoraði þrisvar í vítakeppninni en WBA aðeins tvisvar. Daníel Leó Grétarsson var í byrjunarliði Blackpool og lék fyrstu 99 mínúturnar, en fór meiddur af velli.
Burnley úr úrvalsdeildinni lenti í vandræðum með MK Dons úr C-deildinni á heimavelli en eftir 1:1-jafntefli í venjulegum leiktíma réðust úrslitin í vítakeppni þar sem Burnley skoraði úr fjórum spyrnum gegn þremur.
Burnley-menn voru heppnir að fara í framlengingu því Tékkinn Matej Vydra skoraði jöfnunarmark í uppbótartíma. Jóhann Berg Guðmundsson var í byrjunarliði Burnley og lék fyrstu 83 mínúturnar en leikurinn var sá fyrsti hjá Jóhanni síðan 23. nóvember.
Úrslitin úr enska bikarnum:
Oldham - Bournemouth 1:4
Burnley - MK Dons 5:4 (1:1)
Blackpool - WBA 5:4 (2:2)
Stoke - Leicester 0:4
Wycombe - Preston 4:1
Stevenage - Swansea 0:2
Bristol Rovers - Sheffield United 2:3
Blackburn - Doncaster 0:1
Exeter - Sheffield Wednesday 0:2
QPR - Fulham 0:2
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“
„Hvílir mikil leynd yfir þessu öllu“
Shakespeare fannst í skókassa
„Það þarf að vinna mikinn fjölda upp“
Skar höfuðleðrið af íslenskri konu
„Umsátursástand“