Hirðir Bayern miðvörðinn eftirsótta af ensku liðunum?

Franski miðvörðurinn Dayot Upamecano hefur verið sterklega orðaður við þrjú af stærstu félögum Englands að undanförnu en nú virðist sem Evrópu- og Þýskalandsmeistarar Bayern München séu langt komnir með að hirða hann fyrir framan nefið á þeim.

Bæði Sport 1 í Þýskalandi og Marca á Spáni segja að Bayern sé langt komið í viðræðum um kaup á Upamecano og RB Leipzig sé búið að samþykkja tilboð í hann. 

Upamecano er 22 ára gamall og hefur verið í lykilhlutverki hjá Leipzig í þýsku 1. deildinni og Meistaradeildinni í vetur og Manchester United, Liverpool og Chelsea hafa öll verið talin líkleg til að fá hann í sínar raðir.

• Blogga um frétt