„Þetta var glatað tækifæri því við fengum væri en við vorum að spila við mjög gott lið. Ég er vonsvikinn en stig er allt í lagi ef við vinnum næsta leik,“ sagði Ole Gunnar Solskjær knattspyrnustóri Manchester United í samtali við BBC eftir markalaust jafntefli við Liverpool í ensku úrvalsdeildinni í dag.
Liverpool var sterkari aðilinn í fyrri hálfleik en United fékk betri færi til að vinna leikinn í seinni hálfleiknum. „Við vorum sterkari í lokin en við byrjuðum illa. Það vantaði meiri ró í leikinn okkar en það kom eftir því sem leið á leikinn.“
Norðmaðurinn segir sína menn geta betur. „Við höfum bætt okkur en ég er samt ósáttur við leikinn í dag. Við getum spilað betur,“ sagði Solskjær.