Pogba skaut United aftur á toppinn
Setja bókamerki
Paul Pogba reyndist hetja Manchester United þegar liðið heimsótti Fulham í ensku úrvalsdeildinni í knattspyrnu á Craven Cottage í London í kvöld.
Leiknum lauk með 2:1-sigri United en Pogba skoraði sigurmark leiksins um miðjan síðari hálfleikinn.
Ademola Lookman kom Fulham yfir strax á 5. mínútu eftir frábæra stungusendingu André Anguissa.
Lookman slapp einn í gegn og skoraði örugglega fram hjá David de Gea í marki United og staðan orðin 1:0.
Edinson Cavani jafnaði metin fyrir United á 21. mínútu þegar hann fylgdi eftir fyrirgjöf Bruno Fernandes sem Alphonse Aréola tókst ekki að halda í marki Fulham.
Cavani gerði engin mistök og skoraði í nánast tómt markið úr markteignum og staðan því 1:1 í hálfleik.
Það var svo Paul Pogba sem tryggði United sigur með frábæru vinstrifótarskoti, rétt utan teigs, á 65. mínútu og þar við sat.
United er með 40 stig í efsta sæti deildarinnar og hefur tveggja stiga forskot á Manchester City sem á leik til góða.
Fulham er áfram í átjánda sætinu með 12 stig, fjórum stigum frá öruggu sæti.
| Fulham | 1:2 | Man. Utd |
|
|---|---|---|---|
| Aleksandar Mitrovic (Fulham) á skalla sem fer framhjá Mitrovic mep skallan sem fer af Bailly og rétt fram hjá. | |||
„Tíminn er runninn út fyrir Kristján Loftsson“
„Þögnin er ærandi“
Niðurstaða MDE kallar á breytingar
Starfsfólk gæti fengið reikning frá Skattinum
Myndskeið: Braut rúðurnar og rölti svo í burtu
„Við eigum hvergi heimili“
Benda á Samgöngustofu sem bendir út í heim