Mínar aðferðir þær bestu í heimi

José Mourinho, knattspyrnustjóri Tottenham, segir að þjálfunaraðferðir sínar séu þær bestu í heiminum í dag.

Frétt af mbl.is

West Ham í Meistaradeildarsæti

Gengi Tottenham í undanförnum leikjum hefur verið vægast sagt dapurt en liðið hefur tapað fimm af síðustu sex leikjum sínum í ensku úrvalsdeildinni.

Tottenham er komið í níunda sæti ensku úrvalsdeildarinnar með 36 stig og er nú níu stigum frá Meistaradeildarsæti.

„Ég efast aldrei um mínar aðferðir sem þjálfari,“ sagði Mourinho í samtali við fjölmiðlamenn eftir 2:1-tap liðsins gegn West Ham í ensku úrvalsdeildinni um helgina.

„Stundum hafa utanaðkomandi hlutir áhrif á úrslitin inni á vellinum en þjálfunaraðferðir mínar eru þær bestu í heiminum í dag.

Það er engin krísa hjá okkur en stemningin í búningsklefanum er auðvitað ekki góð enda hata allir leikmenn liðsins að tapa.

Við gáfum allt í leikinn, neituðum að gefast upp og vorum alltaf að leita leiða til þess að jafna metin og það er eitthvað sem lið í krísu myndi ekki gera,“ bætti Mourinho við.

• Blogga um frétt