Ledley King, fyrrverandi leikmaður Tottenham Hotspur og núverandi aðstoðarþjálfari hjá liðinu, segir að þegar liðið mætti Arsenal í Norður-Lundúnaslagnum hafi alltaf verið mest ógnvekjandi að spila á Highbury, gamla heimavelli Arsenal.

Þar hafði nálægð við áhorfendur sitt að segja, en vitanlega var lið Arsenal afar sterkt á þeim árum sem King og félagar þurftu að heimsækja granna sína á völlinn, en Arsenal spilaði sinn síðasta leik á vellinum í maí 2006.

King, sem spilaði fyrir Tottenham árin 1999-2012, lék gegn Arsenal í 16 deildarleikjum en vann aðeins tvo leiki, gerði sex jafntefli og tapaði átta.

Í spilaranum hér að ofan fer hann yfir minningar sínar af Norður-Lundúnaslagnum og metur möguleika liðsins í leiknum í ensku úrvalsdeildinni á morgun, sem verður sýndur í beinni útsendingu á Símanum Sport.

Leikurinn hefst klukkan 16.30 á morgun og hefst upphitun klukkan 16.

Tengdar fréttir

Mörk og tilþrif

Níu mörk í þremur heimaleikjum (myndskeið)

• Arsenal-maðurinn með gott forskot (myndskeið)
• Farið á kostum hjá Manchester City (myndskeið)
• Markvörðurinn í aðalhlutverki á Anfield (myndskeið)
• Ferna Palmers í risasigri (myndskeið)

» Fleiri tengdar fréttir

• Blogga um frétt