Hætta við þátttöku í ofurdeildinni
Setja bókamerki
Forráðamenn enska knattspyrnufélagsins Chelsea hafa tekið ákvörðun um að taka ekki þátt í fyrirhugaðri ofurdeild.
Það er BBC sem greinir frá þessu en fyrr í vikunni bárust fréttir af því að tólf af stærstu liðum Evrópu ætluðu sér að stofna nýja evrópska ofurdeild og hætta þátttöku í Evrópukeppnum á vegum UEFA.
Hugmyndirnar hafa ekki fallið í góðan jarðveg hjá knattspyrnuáhugafólki og var fjöldi stuðningsmanna Chelsea mættur fyrir utan heimavöll félagsins Stamford Bridge í dag til að mótmæla aðgerðunum.
Chelsea tekur á móti Brighton í ensku úrvalsdeildinni klukkan 19 en hundruð stuðningsmanna liðsins eru nú staddir fyrir utan Stamford Bridge þar sem þeir mótmæla þátttöku í fyrirhugaðri ofurdeild.
Enska úrvalsdeildarfélagið hefur ekki staðfest þessar fréttir en samkvæmt frétt BBC er nú unnið að því að draga liðið úr keppni.
Eyjafjarðarbraut lokað vegna alvarlegs umferðarslyss
Tapa fimm milljónum á dag
„Það þarf að vinna mikinn fjölda upp“
„Á réttri leið en nokkuð í land ennþá“
Tveir í bílnum sem lenti utan vegar
Handtekin eftir að tvö börn fundust látin
Hernaðaraðstoð samþykkt – Vopnasendingar í vikunni
Vona að Orkustofnun veiti ekki virkjunarleyfi