Leicester steig annað skref í átt að sæti í Meistaradeild Evrópu með 3:0-sigri á West Brom í ensku úrvalsdeildinni í knattspyrnu í kvöld. Mörkin úr leiknum má sjá í spilaranum hér að ofan.
Heimamenn skoruðu öll mörkin sín á 13 mínútna kafla í fyrri hálfleik. Jamie Vardy kom Leicester yfir á 23. mínútu og Jonny Evans bætti við marki þremur mínútum síðar með skalla í kjölfar hornspyrnu. Kelechi Iheanacho skoraði svo þriðja markið á 36. mínútu eftir góðan undirbúning Vardys.