Mörkin: Laumaði boltanum í netið

Patrick Bamford skoraði laglegt mark fyrir Leeds þegar liðið heimsótti Southampton í ensku úrvalsdeildinni í knattspyrnu.

Staðan að loknum fyrri hálfleik var markalaus en Bamford kom Leeds yfir á 73. mínútu þegar hann laumaði boltanum á milli fóta Alex McCarthy af stuttu færi úr teignum.

Tyler Roberts innsiglaði svo sigur Leeds með marki í uppbótartíma og lokatölur því 2:0 fyrir Leeds í Southampton.

Leikur Southampton og Leeds var sýndur beint á Símanum Sport.

mbl.is
Fleira áhugavert
Fleira áhugavert