Á förum frá Tottenham

Bakvörðurinn Serge Aurier segir að komið sé að lokum dvalar sinnar hjá enska knattspyrnuliðinu Tottenham.

Aurier, sem er 28 ára gamall landsliðsmaður Fílabeinsstrandarinnar, segir í viðtali við L'Equipe í Frakklandi að hann sé á förum frá félaginu. Hann hefur verið orðaður við bæði París SG og AC Milan að undanförnu.

Aurier hefur leikið með Tottenham í fjögur ár, kom þangað frá París SG, og á að baki 77 leiki með liðinu í úrvalsdeildinni.

• Blogga um frétt