Enska knattspyrnufélagið Chelsea hefur lagt fram tilboð í marokkóska bakvörðinn Achraf Hakimi. Það er Sky Sports sem greinir frá þessu.
Hakimi, sem er 22 ára gamall, er samningsbundinn Inter Mílanó á Ítalíu en tilboð Chelsea hljóðar upp á 56 milljónir punda.
Inter vill fá í kringum 68 milljónir punda fyrir leikmanninn en París SG hefur einnig lagt fram tilboð í leikmanninn að því er fram kemur í frétt Sky Sports.
Haikimi átti mjög gott tímabil með Ítalíumeisturum Inter á nýliðinni leiktíð en hann skoraði sjö mörk og lagði upp önnur tíu fyrir liðsfélaga sína í ítölsku A-deildinni.
Inter keypti Hakimi af Real Madrid síðasta sumar fyrir 40 milljónir punda en Thomas Tuchel vonast til þess að geta notað leikmanninn sem vængbakvörð á komandi leiktíð.