Robert Lewandowski, framherji Þýskalandsmeistara Bayern München í knattspyrnu, er nýtt skotmark enska félagsins Chelsea sem ætlar að bjóða 50 milljónir punda í leikmanninn.
Pólverjinn er 32 ára gamall og einn besti framherji heims en hann skoraði 41 deildarmark í 29 leikjum í þýsku efstu deildinni á síðustu leiktíð og hefur skoraði yfir 350 deildarmörk á ferlinum. Chelsea hefur undanfarið verið á höttunum eftir Erling Haaland, hinum norska sóknarmanni Dortmund, en samningaviðræður félaganna sigldu í strand að sögn enska götublaðsins The Sun.
Segir í frétt miðilsins að forráðamenn Chelsea ætli nú að reyna að kaupa Lewandowski en Bayern München hefur lítinn áhuga á að selja sinn besta mann. Félagið verðmetur hann á 75 milljónir punda.