Niðurstöðurnar reyndust falskar

Jesse Lingard og félagar í Manchester United mega snúa aftur …
Jesse Lingard og félagar í Manchester United mega snúa aftur til æfinga. AFP

Í morgun greindi enska knattspyrnufélagið Manchester United frá því að í gær hefði grunur vaknað um nokkur jákvæð kórónuveirusmit innan leikmannahóps karlaliðsins og fóru þeir einstaklingar samstundis í einangrun auk þess sem hætt var við æfingaleik sem átti að fara fram á morgun.

Nú fyrir skemmstu greindi The Independent hins vegar frá því að allar jákvæðu niðurstöðurnar sem fengust í gær eftir reglubundna skimun á leikmannahópi aðalliðsins hefðu reynst falskar.

Allir leikmenn liðsins, þar á meðal þeir sem greindust jákvæðir og fóru í einangrun, mega því snúa tafarlaust aftur til æfinga þar sem leyfi hefur fengist fyrir því hjá ensku úrvalsdeildinni.

mbl.is