Í Vell­in­um á Sím­an­um Sport í gær fóru þeir Brynjar Björn Gunnarsson og Bjarni Þór Viðars­son yfir stórleik Manchester United og Leeds á Old Trafford í ensku úrvalsdeildinni í knattspyrnu um helgina.

Bruno Fernandes og Paul Pogba léku á als oddi á laugardaginn, Fernandes skoraði þrennu og Pogba lagði upp fjögur mörk á samherja sína í 5:1 stórsigri.

„Það er lykilatriði að hann [Fernandes] og Pogba skili þessu, viku eftir viku. Það er stærsta spurningamerkið, þetta var frábær byrjun en þeir þurfa að gera þetta í hverri viku,“ sagði Brynjar Björn um frammistöðu þeirra tveggja.

„Ég hef engar áhyggjur á Bruno Fernandes í því, hann er búinn að taka þátt í einhverjum 48 mörkum frá því að hann kom. Ég hef meiri áhyggjur af Pogba,“ svaraði Bjarni Þór þá en umræður þeirra félaga má sjá í spilaranum hér að ofan.

Tengdar fréttir

Völlurinn

Eiður Smári: Gaman fyrir okkur Íslendingana

• Gylfi: Tímabil Liverpool veltur á þessum mönnum
• Eiður Smári: Snýst um að koma sér í gegnum vikuna
• „Ég elska þetta ferðalag sem við erum á“
• Arteta fær falleinkunn (myndskeið)

» Fleiri tengdar fréttir

• Blogga um frétt