Chelsea og Tottenham komust áfram
Setja bókamerki
Chelsea og Tottenham komust í kvöld áfram í 4. umferð ensku deildabikarsins í knattspyrnu í kvöld en Lundúnaliðin lentu bæði í vítaspyrnukeppnum gegn úrvalsdeildarliðum.
Tottenham heimsótto Wolves en þar var staðan 2:2 eftir venjulegan leiktíma. Tanguy Ndombélé og Harry Kane komu Tottenham 2:0 yfir eftir 23 mínútur. Leander Dendoncker og Daniel Podence höfðu jafnað fyrir Wolves þegar 58 mínútur voru liðnar.
Kane, Sergio Reguilón og Bryan Gil skoruðu úr þremur fyrstu spyrnum Tottenham í vítakeppninni og það dugði til sigurs því Wolves brenndi af þremur síðustu spyrnum liðsins. Hee-Chan HWang og Joao Moutinho skoruðu fyrir Wolves í vítakeppninni.
Chelsea og Aston Villa áttust við á Stamford Bridge og þar var staðan 1:1 eftir venjulegan leiktíma. Timo Werner skoraði á 54. mínútu fyrir Chelsea og Cameron Archer jafnaði á 64. mínútu.
Chelsea vann vítakeppnina 4:3. Romelu Lukaku, Mason Mount, Ross Barkley og Reece James skoruðu fyrir Chelsea í vítakeppninni en Anwar El Ghazi, Ezri Konsa og Emiliano Buendía fyrir Villa.
„Skýr skilaboð til Seðlabankans“
„Það þarf að vinna mikinn fjölda upp“
Hernaðaraðstoð samþykkt – Vopnasendingar í vikunni
Tveir í bílnum sem lenti utan vegar
Handtekin eftir að tvö börn fundust látin
Æskuvinur Íslendings myrtur í Noregi
Vélsleðaslys: Þyrlan kölluð út á mesta forgangi