„Það er oft gott að lofta honum bara fram þegar maður er undir pressu,“ sagði Eiður Smári Guðjohnsen í Vellinum á Símanum Sport í gær þegar rætt var um leik Brentford og Liverpool í ensku úrvalsdeildinni um helgina.

Leiknum lauk með 3:3-jafntefli en Brentford komst yfir í leiknum áður en Diogo Jota jafnaði metin fyrir Liverpool um miðjan fyrri hálfleikinn.

Liverpool komst svo tvívegis yfir í leiknum, 2:1 og 3:2, en allt tókst Brentford að koma til baka.

„Þeir voru í smá brasi með þá og mörkin sem Liverpool fékk á sig, sérstaklega annað og þriðja markið, voru frekar ódýr,“ sagði Bjarni Þór Viðarsson.

„Það má ekki gleymast að Brentford eru nýliðar í deildinni og adrenalínið sem fylgir því að spila gegn liði eins og Liverpool er gríðarlegt,“ sagði Eiður.

„Þú ert að spila á móti mögulega besta liði Evrópu í dag og það gefur þeim mikinn aukakraft,“ sagði Eiður meðal annars.

Tengdar fréttir

Mörk og tilþrif

Níu mörk í þremur heimaleikjum (myndskeið)

• Arsenal-maðurinn með gott forskot (myndskeið)
• Farið á kostum hjá Manchester City (myndskeið)
• Markvörðurinn í aðalhlutverki á Anfield (myndskeið)
• Ferna Palmers í risasigri (myndskeið)

» Fleiri tengdar fréttir

• Blogga um frétt