Nýtur stuðnings í Manchester

Ole Gunnar Solskjær, knattspyrnustjóri Manchester United, nýtur fulls trausts hjá stjórn félagsins. Það er Mirror sem greinir frá þessu.

Spjótin hafa beinst að Solskjær eftir 0:1-tap gegn Aston Villa í ensku úrvalsdeildinni á Old Trafford í Manchester um helgina.

Þetta var annað tap liðsins á stuttum tíma en United féll úr leik í 3. umferð enska deildabikarsins eftir 0:1-tap gegn West Ham á Old Trafford.

United fékk til sín afar öfluga leikmenn í sumar, leikmenn á borð við Cristiano Ronaldo, Jadon Sancho og Raphäel Varane og því mikil pressa á Solskjær að ná árangri á tímabilinu.

Þá hafa enskir miðlar greint frá því að stjórinn verði að skila bikurum í hús, ætli hann sér að halda starfi sínu hjá félaginu, en hann tók við liði United í desember 2018.

• Blogga um frétt