Knattspyrnumennirnir Heung Min-Son og Bryan Gil hafa greinst með kórónuveiruna, en þeir leika báðir með enska úrvalsdeildarliðinu Tottenham. Smituðust þeir báðir í landsleikjapásunni.
Son er landsliðsmaður Suður-Kóreu og Gil landsliðsmaður Spánar. Þeir missa af að minnsta kosti næstu þremur leikjum Tottenham.
Tottenham mætir Newcastle á útivelli á morgun í deildinni, Vitesse í Hollandi í Sambandsdeildinni á fimmtudag og West Ham á útivelli í deildinni næstkomandi sunnudag.