Arsenal bjargaði stigi á ögurstundu

Alexandre Lacazette fagnar jöfnunarmarki sínu á ögurstundu.
Alexandre Lacazette fagnar jöfnunarmarki sínu á ögurstundu. AFP

Arsenal og Crystal Palace skildu jöfn, 2:2, í æsispennandi leik í ensku úrvalsdeildinni í knattspyrnu karla í kvöld þar sem heimamenn í Arsenal jöfnuðu metin á fimmtu mínútu uppbótartíma venjulegs leiktíma.

Heimamenn í Arsenal tóku forystuna strax á áttundu mínútu.

Í kjölfar hornspyrnu náði Nicolas Pépé boltanum, tók snyrtilegan þríhyrning við Takehiro Tomiyasu og tók gott skoti sem Vicente Guaita varði vel til hliðar en Pierre-Emerick Aubameyang var hins vegar mættur sem gammur á fjærstöngina og stýrði boltanum laglega á lofti í netið, 1:0.

Eftir lofsamlega byrjun Arsenal hófu gestirnir í Palace að vinna sig betur inn í leikinn og fengu nokkur prýðis skotfæri.

Þeim auðnaðist þó ekki að skora fyrir leikhlé en jöfnuðu metin hins vegar snemma í síðari hálfleik.

Jordan Ayew vann þá boltann af Thomas Partey rétt fyrir framan vítateig Arsenal, renndi boltanum til Christian Benteke sem fór laglega framhjá Gabriel í teignum og skoraði með glæsilegu skoti niður í nærhornið, 1:1.

Á 73. mínútu tók Palace forystuna. Conor Gallagher vann boltann af Albert Sambi Lokonga á miðsvæðinu og eftir samleik milli Gallagher og Michael Olise rennd sá síðarnefndi boltanum til Odsonne Édouard sem lék með boltann inn í vítateig og þrumaði honum í slána og inn, 1:2.

Leikmenn Arsenal reyndu hvað þeir gátu að jafna metin og uppskáru loks jöfnunarmark á fimmtu mínútu uppbótartíma.

Arsenal fékk þá hornspyrnu sem var skölluð frá, Pépé náði boltanum aftur, gaf fyrir, boltinn var skallaður út, Ben White náði skotinu og Guaita varði boltann til hliðar þar sem varamaðurinn Alexandre Lacazette var mættur og þrumaði boltanum í netið af stuttu færi, 2:2.

Þetta reyndist síðasta spyrna leiksins og jafntefli því niðurstaðan.

Odsonne Édouard kemur Crystal Palace yfir.
Odsonne Édouard kemur Crystal Palace yfir. AFP
Christian Benteke fagnar jöfnunarmarki sínu.
Christian Benteke fagnar jöfnunarmarki sínu. AFP
Pierre-Emerick Aubameyang fagnar marki sínu með stæl.
Pierre-Emerick Aubameyang fagnar marki sínu með stæl. AFP
Knattspyrnustjórarnir Mikel Arteta og Patrick Vieira fallast í faðma fyrir …
Knattspyrnustjórarnir Mikel Arteta og Patrick Vieira fallast í faðma fyrir leik. AFP
Lýsing uppfærist sjálfkrafa

Allar lýsingar í beinni

Arsenal 2:2 Crystal Palace opna loka
90. mín. Alexandre Lacazette (Arsenal) á skot framhjá Frábær sprettur hjá Lacazette sem fer illa með nokkra varnarmenn Palace áður en hann tekur skotið úr góðri stöðu en í litlu jafnvægi og fer það yfir.
mbl.is