Bjarni Þór Viðarsson, sparkspekingur á Símanum Sport og fyrrverandi knattspyrnumaður, hefur sett saman sameiginlegt byrjunarlið Manchester United og Liverpool.
Á morgun klukkan 15.30 mætast Man United og Liverpool á Old Trafford í stórslag helgarinnar í ensku úrvalsdeildinni. Leikurinn verður sýndur í beinni útsendingu á Símanum Sport og hefst upphitun hálftíma fyrr.
Í myndskeiðinu hér að ofan má sjá Bjarna Þór fara yfir val sitt á sameiginlegu byrjunarliði erkifjendanna með Tómasi Þór Þórðarsyni, ritstjóra enska boltans á Símanum Sport.