Eigandahópur enska knattspyrnufélagsins Liverpool, Fenway Sports Group, er að ganga frá kaupunum á bandaríska íshokkíliðinu Pittsburgh Penguins. Það er CBS Pittsburgh sem greinir frá þessu.
Kaupverðið er talið vera í kringum 112 milljarðar íslenskra króna en FSG keypti meirihluta í Liverpool árið 2010.
Þá á FSG einnig bandaríska hafnaboltaliðið Boston Red Sox og bandaríska NASCAR-akstursliðið Roush Fenway Keselowski Racing.
Pittsburgh Penguins hefur fimm sinnum unnið Stanley-bikarinn fræga í Bandaríkjunum en liðið er hluti af NHL-deildinni vestanhafs.