Hvað gera Rauðu djöflarnir gegn toppliðinu?

Fjöldi athyglisverðra leikja fer fram þegar 13. umferð ensku úrvalsdeildarinnar í knattspyrnu karla hefst í hádeginu á morgun.

Stærsti leikur helgarinnar verður án efa leikur toppliðs Chelsea gegn Manchester United, en hann fer fram klukkan 16:30 á sunnudag.

Helgin hefst á hádegisleik Arsenal gegn botnliði Newcastle United á morgun og í kjölfarið kemur Southampton í heimsókn til Liverpool klukkan 15.

Fimm leikir fara fram á laugardeginum og aðrir fimm á sunnudeginum.

Ásamt áðurnefndum stórleik helgarinnar mætast Manchester City og West Ham United í hörkuslag á sunnudeginum.

Tómas Þór Þórðarson, ritstjóri enska boltans á Símanum Sport, fer yfir 13. umferðina í spilaranum hér að ofan.

• Blogga um frétt