Því miður er góður þjálfari á leið til United

Jürgen Klopp, knattspyrnustjóri Liverpool, tjáði sig um komu Ralfs Rangnicks til Englands, sem mun taka tímabundið við stjórnartaumunum hjá Manchester United, á blaðamannafundi í dag.

„Því miður er góður þjálfari á leiðinni til Englands, til Manchester United! Þannig er það. Hann byggði upp tvö félög, úr engu í að verða alvöru ógn í Þýskalandi, hjá Hoffenheim og Leipzig.

Fyrsta verkefni hans er að vera þjálfari og þar liggja hæfileikar hans. United mun verða vel skipulagt, áttum okkur á því. Það eru auðvitað ekki góðar fréttir fyrir önnur lið!“ sagði Klopp.

Ralf Rangnick er í miklum metum á meðal þjálfara í Þýskalandi. CHRISTIAN CHARISIUS

Búist er við því að tilkynnt verði formlega um ráðningu Rangnick sem stjóra United út tímabilið á næstu tveimur sólarhringum. Hann mun svo taka við tveggja ára ráðgjafahlutverki í kjölfar þess að yfirstandandi tímabili lýkur.

„Hann er í miklum metum á meðal þjálfara í Þýskalandi. Við mættum hvorum öðrum þegar ég var mjög ungur þjálfari og hann stýrði Hannover,“ bætti Klopp við.

• Blogga um frétt