Tómas Þór Þórðarson ritstjóri Enska boltans á Símanum Sport og Bjarni Þór Viðarsson sérfræðingur og fyrrverandi leikmaður Everton voru á Goodison Park í kvöld og fóru yfir grannaslaginn að honum loknum.
Bjarni sagði að hraðinn og gæðin hjá Liverpool hefðu skilið á milli liðanna og það væri mjög erfitt að spila á móti svona liði. Frammistaðan hjá Jordan Henderson hefði verið nánast ómennsk, og ótrúlegt hvernig hann hefði stjórnað spili Liverpool.
Rafael Benítez knattspyrnustjóra Everton brá fyrir í myndskeiðinu, fyrir aftan þá félaga, þar sem hann gekk til búningsherbergja. „Þung spor,“ sagði Bjarni.