Kulusevski við Bjarna: Besta tilfinning í heimi

Dejan Kulusevski átti afar góðan leik er Tottenham vann 3:2-útisigur á Manchester City í ensku úrvalsdeildinni í fótbolta í kvöld.

Sænski landsliðsmaðurinn lagði upp eitt mark og skoraði annað í ótrúlegum sigri en Kulusevski lagði upp sigurmarkið á Harry Kane í uppbótartíma.

Hann ræddi við Bjarna Þór Viðarsson eftir leik og sagði það bestu tilfinningu í heimi að vinna þegar enginn átti von sigri. Þá er hann mjög sáttur við móttökurnar hjá Tottenham eftir að hafa komið til félagsins frá Juventus í janúar.  

mbl.is