Daniel Sturridge, fyrrum leikmaður Liverpool, Chelsea og fleiri liða spáir Liverpool sigri í úrslitaleik liðanna í enska bikarnum í dag.
Sturridge kom upp í gegnum akademíu Manchester City áður en hann skipti yfir til Chelsea. Þar fékk hann fá tækifæri og var lánaður til Bolton þar sem hann sló í gegn. Eftir það var hann keyptur til Liverpool þar sem hann átti sín bestu ár og skoraði 50 mörk í 116 leikjum í ensku úrvalsdeildinni.
Hann er nú samningsbundinn Perth Glory í Ástralíu en hann kláraði nýverið afplánun á löngu leikbanni vegna brots á veðmálareglum.
Hann setti færslu á Twitter-síðu sína í morgun þar sem hann segist hafa tilfinningu fyrir því að Liverpool vinni bikarinn í dag og að Sadio Mané skori.
„Vaknaði með tilfinningu að Liverpool vinni í dag. Hef mikla virðingu fyrir Chelsea en held að þeir rauðklæddu séu of sterkir. Ég hef mikla trú á að Sadio Mané skori.“
Woke up feeling like @LFC will get the job done. Massive respect for @ChelseaFC but I just feel like the red men will have too much for them. I fancy a Sadio goal big time.
— Daniel Sturridge (@DanielSturridge) May 14, 2022