Dagný Brynjarsdóttir, landsliðskona í fótbolta, hefur framlengt samning sinn við enska úrvalsdeildarfélagið West Ham til ársins 2024.
Miðjukonan kom til West Ham í janúar á síðasta ári og hefur leikið 29 leiki með liðinu í ensku úrvalsdeildinni og skorað í þeim fjögur mörk.
Liðið endaði í sjötta sæti ensku úrvalsdeildarinnar á nýliðinu tímabili og fór alla leið í undanúrslit enska bikarsins.
„Mér og fjölskyldunni minni hefur liðið mjög vel hjá West Ham og ekki skemmir fyrir að ég er stuðningsmaður liðsins,“ er haft eftir Dagný á heimasíðu West Ham.
Dagný hefur stutt West Ham frá barnsaldri og óhætt að segja að draumur hafi ræst þegar hún gekk í raðir félagsins.
Here to stay! ♥️⚒️@dagnybrynjars has extended her contract with the Club until 2024 ✍️
— West Ham United Women (@westhamwomen) May 18, 2022
➡️ https://t.co/MF3jkf99RB pic.twitter.com/tYRoxrpLVB