Jürgen Klopp, knattspyrnustjóri Liverpool, segir allar líkur á því að spænski miðjumaðurinn Thiago verði ekki með liðinu í úrslitaleik Meistaradeildar Evrópu gegn Real Madrid á laugardaginn kemur.
Thiago lék aðeins fyrri hálfleikinn gegn Wolves í ensku úrvalsdeildinni í gær og virtist haltra eftir að hann lagði upp mark fyrir Sadio Mané með glæsilegum hætti.
„Hann verður örugglega ekki með í úrslitaleiknum. Hann haltrar og þetta lítur ekki vel út,“ sagði Klopp á blaðamannafundi eftir leik.