Gareth Southgate, þjálfari enska karlalandsliðsins í knattspyrnu, hefur tilkynnt hvaða 27 leikmenn munu taka þátt í næsta landsliðsverkefni þar sem þrír leikir, gegn Ungverjalandi, Þýskalandi og Ítalíu, í þjóðadeild UEFA bíða.
Jarrod Bowen, sóknarmaður West Ham United, er valinn í fyrsta skipti eftir frábært tímabil þar sem hann skoraði 12 mörk og lagði upp önnur 12 í 36 deildarleikjum.
James Justin, bakvörður Leicester City, er þá einnig valinn í enska landsliðshópinn í fyrsta skipti.
Hann er einn fimm hægri bakvarða í hópnum, þó hann sé vísast hugsaður frekar sem vinstri bakvörður í þessu verkefni. Hinir eru þeir Kyle Walker, Trent Alexander-Arnold, Reece James og Kieran Trippier.
Fikayo Tomori, miðvörður Ítalíumeistara AC Milan, er þá valinn aftur í fyrsta skipti síðan haustið 2019, þegar hann spilaði sína fyrstu tvo A-landsleiki.
Jordan Henderson, fyrirliði Liverpool, er ekki í hópnum en Southgate staðfesti á blaðamannafundi í dag að hann yrði hvíldur í verkefninu.
Hópurinn í heild sinni:
Markverðir:
Jordan Pickford (Everton)
Nick Pope (Burnley)
Aaron Ramsdale (Arsenal)
Varnarmenn:
Kyle Walker (Man. City)
John Stones (Man. City)
Harry Maguire (Man. United)
Kieran Trippier (Newcastle)
Trent Alexander-Arnold (Liverpool)
Reece James (Chelsea)
Conor Coady (Wolves)
Ben White (Arsenal)
Fikayo Tomori (AC Milan)
Marc Guéhi (Crystal Palace)
James Justin (Leicester)
Miðjumenn:
Declan Rice (West Ham)
Mason Mount (Chelsea)
Kalvin Phillips (Leeds)
Jude Bellingham (Borussia Dortmund)
James Ward-Prowse (Southampton)
Conor Gallagher (Crystal Palace)
Sóknarmenn:
Raheem Sterling (Man. City)
Harry Kane (Tottenham)
Jack Grealish (Man. City)
Phil Foden (Man. City)
Bukayo Saka (Arsenal)
Tammy Abraham (Roma)
Jarrod Bowen (West Ham)