Declan Rice, enskur landsliðsmaður í fótbolta, er kominn í tveggja leikja bann frá leikjum í Evrópukeppnum UEFA vegna óláta eftir leik West Ham og Frankfurt í Evrópudeildinni á síðustu leiktíð.
West Ham féll úr leik í undanúrslitum gegn Frankfurt og var Rice vægast sagt ósáttur við spænska dómarann Jesús Manzano.
Rice byrjaði á að láta dómarann heyra það í viðtali eftir leik og sagði að lítið væri hægt að gera þegar dómarinn er á móti þér. Þá sakaði Rice dómarann um mútur eftir leik.
Miðjumaðurinn verður því í banni þegar West Ham hefur leik í Sambandsdeildinni á næstu leiktíð, verði hann áfram leikmaður félagsins en hann hefur orðaður við stærri félög.