Ryan Giggs, goðsögn hjá Manchester United, er ekki lengur landsliðsþjálfari karlaliðs Wales í fótbolta.
Giggs hefur ekki stýrt liðinu síðustu mánuði vegna ásakana um ofbeldisbrot í garð fyrrverandi kærustu sinnar. Hann hefur þó ávallt neitað sök.
Rob Paige hefur stýrt Wales síðan með góðum árangri og tryggði liðið sér sæti á HM í Katar á dögunum. Verður Wales í fyrsta skipti með á lokamóti HM frá árinu 1958.
Giggs sendi frá sér yfirlýsingu í kvöld þar sem hann greindi frá ákvörðun sinni og sagði hana byggða á að vilja ekki trufla velska liðið í undirbúningi sínum fyrir HM.