Ronaldo er ekki á sölu

Ronaldo er ekki á sölu.
Ronaldo er ekki á sölu. AFP/Paul Ellis

Portúgalski knattspyrnumaðurinn Cristiano Ronaldo er ekki á sölu þrátt fyrir orðróm um að hann sé ósáttur hjá Manchester United. 

Frá þessu greinir Skysports. 

Jorge Mendes, umboðsmaður Ronaldo, og Todd Boehly, eigandi Chelsea, funduðu í síðustu viku og Ronaldo var eitt af umræðuefnunum.

Þjálfari United, Erik Ten Hag hefur hinsvegar sagt að Ronaldo verði partur af liðinu á næstu leiktíð og útilokar félagsskipti. 

Ljóst er að Manchester United gerir allt í sínu valdi til að halda kappanum en hann skoraði 24 mörk í 38 leikjum í öllum keppnum á síðustu leiktíð. 

mbl.is