Jonjo Shelvey, leikmaður Newcastle United í efstu deild Englands í knattspyrnu, verður frá í þrjá mánuði vegna meiðsla.
Shelvey meiddist í æfingaleik liðsins gegn Benfica þann 26. júlí á undirbúningstímabilinu. Hann meiddist aftan í læri og þurfti að fara í aðgerð og verður frá næstu 12 vikur.
Shelvey er 30 ára miðjumaður og kom til Newcastle árið 2016. Hann spilaði 25 leiki á síðustu leiktíð og var mikilvægur undir lok tímabilsins þegar liðið lenti í 11. sæti í deildinni.
Þetta er annað tímabilið í röð sem hann missir af fyrstu mánuðunum en á síðasta tímabili var hann frá vegna meiðsla í kálfa þar til í október.
„Hann var búin að vinna mjög hart að sér á undirbúningstímabilinu og var í mjög góðu líkamlegu formi og þetta var virkilega leiðinlegt bæði fyrir hann og fyrir okkur,“ sagði Eddie Howe, knattspyrnustjóri Newcastle.
🗣️ "Losing Jonjo is a big blow"
— Sky Sports Premier League (@SkySportsPL) August 12, 2022
Eddie Howe gives an update on Jonjo Shelvey's injury status ahead of their match against Brighton 🩹pic.twitter.com/BpmyEaFBzQ