Þýski knattspyrnumaðurinn Thilo Kehrer gengur til liðs við enska úrvalsdeildarfélagið West Ham frá franska meistaraliðinu Paris Saint-Germain.
Kehrer er sjötti leikmaður sem West Ham fær í glugganum en félagið fékk hann fyrir 10 milljónir punda.
Hann er 25 ára gamall og getur spilað bæði sem miðvörður og bakvörður. Hann er í þýska landsliðinu og hefur spilað 20 landsleiki og einnig var hann í yngri landsliðum.
Kehrer gerði fjögurra ára samning við félagið með möguleika á að bæta tveimur árum við.