Franski miðjumaðurinn N’Golo Kanté hefur snúið aftur til æfinga hjá enska knattspyrnuliðinu Chelsea eftir að hafa misst af síðustu sex leikjum liðsins vegna meiðsla aftan á læri.
Kanté hefur aðeins tekið þátt í tveimur leikjum í ensku úrvalsdeildinni á tímabilinu, fyrstu tveimur leikjum Chelsea, og hefur síðan þá misst af fjórum leikjum í deildinni og tveimur í Meistaradeild Evrópu.
Af sömu ástæðu missti hann af tveimur leikjum Frakklands í Þjóðadeild UEFA í yfirstandandi landsleikjahléi.
Sky Sports greinir frá því í dag að Kanté sé byrjaður að æfa á ný og gæti hann því tekið þátt í leik liðsins gegn Crystal Palace í deildinni næstkomandi laugardag.