David Moyes, knattspyrnustjóri West Ham í ensku úrvalsdeildinni í knattspyrnu, er afar valtur í sessi þessa dagana.
Það er Telegraph sem greinir frá þessu en West Ham hefur ekki byrjað tímabilið vel og situr í 18. sæti deildarinnar með 4 stig eftir fyrstu sjö umferðirnar.
Moyes, sem er 59 ára gamall, tók við stjórnartaumunum hjá West Ham árið 2019 en undir hans stjórn endaði liðið í sjöunda sæti úrvalsdeildarinnar á síðustu leiktíð.
Liðið hefur hins vegar aðeins unnið einn leik á tímabilinu til þessa, gegn Aston Villa, en West Ham er sem stendur þremur stigum frá öruggu sæti.