Mörkin: Glæsimark Gallagher tryggði Chelsea sigur
Setja bókamerki
Crystal Palace og Chelsea mættust á Selhurst Park í ensku úrvalsdeildinni í knattspyrnu í dag.
Conor Gallagher reyndist hetja Chelsea gegn sínum gömlu félögum er hann skoraði einstaklega laglegt sigurmark á lokamínútu leiksins.
Odsonne Édouard kom heimamönnum í forystu á 8. mínútu en Pierre-Emerick Aubameyang jafnaði metin fyrir Chelsea þegar sjö mínútur voru eftir af fyrri hálfleik.
Allt stefndi í jafntefli áður en fyrrnefndur Gallagher, sem komið hafði inn á sem varamaður, skoraði sigurmarkið á 90. mínútu og tryggði Graham Potter sigur í fyrsta deildarleik hans sem stjóri Chelsea.
Þeir bláklæddu hafa unnið fjóra leiki af átta og eru með 13 stig. Crystal Palace situr eftir með sárt ennið en liðið er í 16. sæti með 6 stig.
Svipmyndir úr leiknum má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.
Áköf mótmæli í bandarískum háskólum
Mest spennandi kosningar í áratugi
Moses Hightower og Prins Póló gefa út eyjalag
Íslendingar ein mest einmana þjóð heims
Myndskeið: „Fólk var komið ískyggilega nálægt“
Fiskikóngurinn: „Mér fannst sárt að heyra það“
Myndir: Reynir við heimsmet í Hlíðarfjalli í dag