Enska knattspyrnufélagið Wolverhampton Wanderers hefur tekið ákvörðun um að víkja portúgalska knattspyrnustjóranum Bruno Lage frá störfum eftir slaka byrjun liðsins í ensku úrvalsdeildinni á tímabilinu.
Úlfarnir töpuðu 0:2 fyrir West Ham United í deildinni í gær og reyndist það síðasta hálmstráið þar liðið er með aðeins 6 stig að loknum átta leikjum í 18. sæti, fallsæti.
Lage tók við sem knattspyrnustjóri þarsíðasta sumar og stýrði liðinu í 10. sæti ensku úrvalsdeildarinnar á sínu fyrsta tímabili.
Úlfarnir hafa alls aðeins unnið einn af síðustu 15 deildarleikjum og þótti því kínverskum eigendum félagsins, Fosun, nóg um og ákváðu að breyta til.