Eiður Smári Guðjohnsen er afar hrifinn af Erling Haaland, framherja Manchester City, en sá norski hefur farið ótrúlega vel af stað í ensku úrvalsdeildinni í fótbolta.
Haaland hefur skorað 14 mörk fyrir City á leiktíðinni til þessa og nú þegar skorað þrjár þrennur, en hann gerði eina slíka í 6:3-sigri á Manchester United í gær.
Eiður var gestur Tómasar Þórs Þórðarsonar í vellinum á Símanum sport í gær, ásamt Margréti Láru Viðarsdóttur.
Innslag úr þættinum má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.